Голландын нийслэл Амстердамын музейгээс дэлхийд нэрд гарсан алдарт зураачдын долоон шилээвэр бүтээл хулгайд алдагдсан байна. Энд Пабло Пикассогийн “Арлекиногийн толгой”, Пол Гогены “Нээлттэй цонхны дэргэдэх бүсгүй”,  Анри Матиссын “Уншиж байгаа охин”, Клод Монегийн “Ватерлоогийн гүүр”, “Чаринг-Кроссын гүүр”, Майер де Ханын “Өөрийн хөрөг”, Люсен Фрейдийн “Нүдээ аньсан эмэгтэй” зэргийг хулгайч авч оджээ. Энэ хосгүй бүтээлүүдийг  Кунстхал музейн  20 жилийн ойг тохиолдуулан цогцоор нь дэлгэн үзүүлж байсан юм байна.
Энэ бол 1991 онд Нидерландад Ван Гогийн 20 зургийг хулгайд алдаж байснаас хойш гарч байгаа хамгийн том хулгай болж байна.