Өнөөдөр Баянхонгор, Өвөрхангайн хойд, Төв аймгийн зүүн хэсэг, Хэнтий, Дорнод, Сүхбаатар аймгийн нутгаар дуу цахилгаантай, усархаг аадар бороо орох тул гэнэтийн аянга цахилгаан, мөндөр, нөөлөг салхи, үер усны аюулаас сэрэмжтэй байхыг Цаг уурын байгууллагаас онцгойлон анхааруулж байна.

Гэнэтийн эрчимшил ихтэй борооны улмаас гол мөрний усны түвшин богино хугацаанд огцом нэмэгдэх, хуурай сайр, гуу жалгаар уруйн үер буух нөхцөл бүрддэг.

Иймд

• Гол мөрөн, нуурын ойролцоо амарч зугаалахдаа ажиглалт хийх,
• Уулын ам, голын ай сав, үерийн буулт бүхий газарт отоглож, хоноглохгүй байх,
• Зөвхөн зөвшөөрөгдсөн зам, гүүрээр зорчихыг зөвлөж байна.