Францын телевизийн  “France24” сувгийн сэтгүүлч Сони Дридиг энэ сарын 19-нд Египетийн нийслэл Каирын төв Тахрир талбайгаас мэдээгээ шууд дамжуулж байхад нь хэдэн арван залуу бүчин авч хүчирхийлэхээр завдсан байна. “Намайг мэдээгээ шууд дамжуулж байхад гэнэт л олон хүн бүчин авч түлхэлдэж эхэлсэн. Голдуу  залуучууд намайг тойрон, зарим нь бүр цамц өмдийг минь тайлах гэж оролдсон. Азаар би сайн тэлээтэй байсан болохоор муу зүйл надаас холуур өнгөрсөн” гэж сэтгүүлч ярьсан байна. Энэ үеэр тус телевизийн англи хэлний нэвтрүүлгийн ажилтан Ашраф Халил ирж түүнийг аварчээ. Сэтгүүлч маргааш нь цагдаагийн газарт гомдол гаргасан байна.
“France24” телевиз албан үүргээ гүйцэтгэж яваа сэтгүүлч С.Дриди, А.Халил нарын амь нас, эрүүл мэндэд аюул учирч болзошгүй байгаа талаар аравдугаар сарын 20-нд тусгай мэдэгдэл гаргасан байна. Мэдэгдэлд “Сэтгүүлчдийг хүчирхийлэх гэсэн хэргийг мөрдөн шалгах хэрэгтэй. Манай сэтгүүлчид дэлхийн аль ч улс оронд үйл ажиллагаагаа явуулах боломжоор хангагдах ёстой” гэжээ.