Өнгөрсөн долоо хоногт нийслэлийн хэмжээнд аврах ажиллагааны 3, гал түймрийн 42 дуудлага мэдээлэл бүртгэгдлээ. Алба хаагчид 4 иргэний аюулгүй байдлыг ханган, 1,9 тэрбум төгрөгийн өмч хөрөнгийг авран хамгаалсан байна.

Гал түймэрт өртөж 1 иргэн нас барж, хоёр гэр, 16 өвөл, зуны сууц, хогийн цэг 5, автомашин 2, чингэлэг 2, орон сууцанд эд хогшил шатсан 5 дуудлагаар алба хаагчид үүрэг гүйцэтгэн, унтрааж ажиллалаа.

Гэр хорооллын айл өрхүүд пийшин, зуух, яндангийн галын аюулгүй байдлыг хангаж, угаарын хийн мэдрэгчийн хэвийн ажиллагааг шалган, цахилгааны хэт ачаалал үүсгэхгүй байхыг зөвлөж байна.