XVII жарны “Сүрээр дарагч” хэмээх гал улаан морин жилийн Сар шинийн баярыг угтан "Талх чихэр” ХК нь “АТАР” хэвийн боовны нэрэмжит аймаг, цэргийн цолтой хүчит 256 бөхийн барилдааныг 1 дүгээр сарын 10-нд буюу өчигдөр  Монгол бөхийн өргөөнд зохион байгууллаа.  “АТАР” хэвийн боовны нэрэмжит уг барилдаанд аймаг цэргийн цолтой бөхчүүд уран мэхийг уралдуулан, авхаалж самбаа, арга чадлаа сорин барилдаж, түрүүлж, үзүүрлэж байсан бөхчүүдээс  Монгол Улсын начин– 12

Монгол Улсын харцага– 2

Монгол Улсын заан– 4

Монгол Улсын гарьд-2

Монгол Улсын арслан-1

Монгол Улсын аварга– 4 төрсөн байдаг.

20 дахь жилдээ “Талх чихэр” ХК “Монголын үндэсний бөхийн холбоо” болон “Монголын уртын дууны холбоо”-той  хамтран зохион байгуулсан оны анхны барилдаанд 256 бөх эр бяр, ид хаваа гайхуулан, уран мэхээ уралдуулан, барилдсанаас Ховд аймгийн Мөст сумын харьяат Аймгийн арслан Цэвээнпүрэвийн Төмөрцоож түрүүлж, Булган аймгийн Могод сумын харьяат Аймгийн арслан Мягмаржаргалын Эрхэмбаяр үзүүрлэлээ. Мөн их шөвөгт Дундговь аймгийн Эрдэнэдалай сумын харьяат аймгийн хурц Арслан Нямсүрэнгийн Амгаланбаатар,

Булган аймгийн Гурванбулаг сумын харьяат Аймгийн арслан Баттогтохын Очирхүү нар шалгарлаа.