УИХ-ын Төрийн байгуулалтын байнгын хорооны өнөөдрийн /2026.04.03/ хуралдаанаар УИХ-ын гишүүн Х.Тэмүүжингийн санаачилсан

УИХ-ын дарга нам бус байх зохицуулалт бүхий хуулийн төслийн хэлэлцэх эсэхийг хэлэлцэж байна. 
Энэ үеэр УИХ-ын даргын албан тушаалд нэр дэвшээд буй ЗГХЭГ-ын дарга С.Бямбацогтын байр суурийг хүргэж байна. 
Тэрбээр, УИХ-ын даргыг сонгох асуудал хэлэлцэх энэ үед УИХ-ын дарга нам бус байх асуудлыг бид хэлэлцэж байна. Бид үүнийг дэмжинэ. Гэхдээ бид аливаа асуудлыг цогцоор нь хармаар байгаа юм. УИХ-ын гишүүн бол ард түмний элч төлөөлөгч, нийт иргэн, улсын эрх ашгийг эрхэмлэх ёстой.
Ард түмний төрд итгэх итгэл маш их унаж байна. Нийгмээрээ шударга ёсыг хүсэмжилж байна. Тиймээс төрийн эрх барих, хууль тогтоох дээд байгууллага болох УИХ-ынхаа нэр хүндийг сэргээхийн тулд УИХ-ын даргаас эхлээд гишүүд нь өөрчлөлтийг өөрсдөөсөө эхэлж, төрөө цэгцлэх ажлыг тууштай, санаачилгатай хэрэгжүүлнэ гэж бодож байна.
Энэ ажлын эхлэлийг үр дүнтэй хийе. Арын залгаас нь гишүүд маань ёсзүйтэй, хариуцлагатай байх, улс төржихдөө улс орныхоо эрх ашгийг нэгдүгээрт тавьдаг байх ёстой болов уу гэж байр сууриа илэрхийлэв.