Энэ зун дулааны 376 километр төв магистраль шугамаас 16 гол шугамыг тавдугаар сарын 15-наас наймдугаар сарын 25-ны хооронд үндсэн бүх шугамын засваруудыг 8-9 хэсэгт хувааж гүйцэтгэхээр төлөвлөж, хуваарийг баталжээ.

Тодруулбал эхний ээлжид буюу тавдугаар сарын 18-28-ны хооронд:

• Хан-Уул дүүргийн нутаг дэвсгэр,
• Вива сити,
• Шинэ Яармаг хорооллууд,
• НЗДТГ-ын байр Хангард орчим,
• Төв цэнгэлдэх,
• Хүннү,
• Рапид хороолол,
• 120 мянгат,
• Туулын хөвөө,
• Зайсан орчмын хороолол, хотхонууд,
• 19 дүгээр хороолол орчмын оршин суугчдын халуун усыг 10 хоног хязгаарлаж, дулааны шугамыг засварлах хуваарьтай байна.

Энэ хугацаанд дулааны шугамыг шинэчлэх, засварлах, өргөтгөх ажлыг гүйцэтгэхээр төлөвлөжээ. Шугамын засвар, шинэчлэлийн ажлын үргэлжлэх хугацаа 10-20 хоног байна.