Уг сургалт нь Нутгийн захиргааны байгууллагад ажиллаж буй төрийн албан хаагчдын мэдлэг, ур чадвар, хандлагыг дээшлүүлж, ил тод, хариуцлагатай, үр ашигтай төрийн үйлчилгээг иргэдэд үзүүлэх, шийдвэр гаргалтын чадварыг бэхжүүлэх зорилго бүхий сургалт юм.
Сургалтыг аймгийн Засаг дарга Г.Өнөрбаяр, ЗГХЭГ-ын дэд дарга У.Бямбасүрэн, Монгол дахь Конрад-Аденауэр сангийн Суурин төлөөлөгч Виктор Франк нар нээж үг хэлэв.
Сургалтад аймгийн ИТХ-ын ажлын албаны дарга, мэргэжилтнүүд, аймгийн ЗДТГ-ын хэлтсийн дарга, мэргэжилтнүүд, аймгийн Засаг даргын дэргэдэх агентлагийн төлөөлөл хамрагдаж байна.
ХБНГУ-ын Бундестагийн гишүүн асан Манфрэд Грунд, МУИС-ын багш, доктор Г.Мягмар нар "Бундестагийн сонгууль болон орон нутгийн сонгууль", "Байгууллагын соёл" сэдвүүдээр сургалт мэдээлэл өгч байна.
