Завхан аймгийн Засаг даргын Тамгын газар, Байгаль орчны газраас Монгол Улсын холбогдох хууль тогтоомж, Засгийн газрын тогтоолын дагуу тусгай зориулалтаар агнуулах, зөвшөөрөл олгох нээлттэй дуудлага худалдааг 2026 оны 06 дугаар сарын 26-ны өдөр цахим хэлбэрээр амжилттай зохион байгууллаа.
Дуудлага худалдааг нээлттэй, ил тод, хууль тогтоомжийн шаардлагад нийцүүлэн зохион байгуулж, оролцогчдын эрх тэгш байдлыг ханган явуулсан бөгөөд агнуурын бүс нутгаас агнуулахаар батлагдсан амьтдын зөвшөөрлийг холбогдох журмын дагуу олголоо.
Тус арга хэмжээ нь агнуурын амьтны нөөцийг зохистой ашиглах, байгаль хамгааллын үйл ажиллагаанд шаардлагатай хөрөнгө төвлөрүүлэх, амьтны нөөцийн менежментийг сайжруулахад чухал ач холбогдолтой юм.
Байгаль орчныг хамгаалж, ан амьтны нөөцийг зүй зохистой ашиглах үйлсэд хамтран ажилласан нийт оролцогч, байгууллага, иргэддээ талархал илэрхийлье.
ЗАВХАН АЙМГИЙН БАЙГАЛЬ ОРЧНЫ ГАЗАР
