09:50 цагт бүрэн унтраалаа. Алба хаагчдыг очиход  200метр.квадрат террас болон 800 метр.квадрат үйлчилгээний талбай бүхий рестораны 72метр.квадрат гал тогооны хэсэгт гал түймэр гарч дэлгэрсэн байсныг шуурхай ажиллаж, гал түймрээс үйлчилгээний зориулалттай 5 давхар барилгыг хамгаалсан юм.  
Гал түймрийг унтраах ажиллагааг ОБЕГ-ын Гал түймэртэй тэмцэх газрын Гал унтраах хэлтсийн дарга, хурандаа П.Соронзонболд удирдлага, зохион байгуулалтаар хангаж, нийслэлийн Гал түймэр унтраах, аврах 10,14 дүгээр ангийн 30 орчим алба хаагч, гал унтраах зориулалтын 7 автомашинтайгаар ажиллалаа. 
Гал түймрийн шалтгаан, нөхцөлийг холбогдох байгууллагын ажилтнууд тогтоохоор ажиллаж байна.  

Нийслэлийн Баянгол дүүргийн 2-р хороо ТБД андуудын 5 давхарт хоолны газарт гарсан галыг унтраахаар ажиллаж байна гэж Онцгой байдлын ерөнхий газраас мэдээллээ. 
Хоолны газар шатаж байна гэсэн дуудлага өнөөдөр (2026.07.24) 07:59 цагт иржээ. 
Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид ажиллаж байгаа бөгөөд унтраах ажиллах ажиллагааг ОБЕГ-ын Гал түймэртэй тэмцэх газраас удирдлага, зохион байгуулалтаар ханган ажиллаж байгаа юм байна. 

Мөн Баянзүрх дүүрэг 14 дүгээр хороо 4 давхарт гал гарч байна гэсэн дуудлагыг 07.24-ний өдрийн 05:18 цагт хүлээн авсан.Тус дүүргийн Онцгой байдлын хэлтсийн 63 дугаар ангийн алба хаагчдыг очиход, 4 давхрын гэрэлт самбарын цахилгааны утас шатаж байсныг ажиллаж унтраажээ.

08:35 цагт галын тархалтыг зогсоосон, бүрэн унтраахаар ажиллаж байна.