Төв аймгийн Дэлгэрхаан сумын нутагт орших түүхэн дурсгалт Дуутын хаднаа зохион байгуулагдсан “Хаадын бичээс” уран бичлэгийн хээрийн үзэсгэлэнгийн нээлтийн үйл ажиллагаанд Соёл, спорт, аялал жуулчлал, залуучуудын яамны Төрийн нарийн бичгийн дарга Б.Бат-Эрдэнэ, Чингис хаан Үндэсний музейн захирал С.Чулуун болон орон нутгийн удирдлагууд, иргэдийн төлөөлөл оролцлоо.
Энэ хээрийн үзэсгэлэн нь Монголын төрт ёсны түүх, үндэсний бичгийн өв, байгалийн унаган тогтоц болон орчин үеийн уран бүтээлийг нэгэн орон зайд цогцоор нь амилуулсан өвөрмөц соёлын арга хэмжээ болсноороо онцлог байв.
Үзэсгэлэнд ЮНЕСКО-гийн "Яаралтай хамгаалах шаардлагатай соёлын биет бус өв"-ийн жагсаалтад бүртгэгдсэн Монгол уран бичлэгийг өвлөн уламжлагч, каллиграфийн мастер Д.Батбаяр тэргүүтэй 15 шилдэг уран бүтээлч оролцлоо.Монголын каллиграфийн шилдэг уран бүтээлчид Дуутын хадны түүхэн дурсгал, байгалийн өвөрмөц тогтоцоос сэдэвлэсэн бүтээлүүдээ ийнхүү олон нийтэд толилуулсан байна.
Мөн арга хэмжээний хүрээнд сурагчдын дунд уран бичлэгийн уралдаан зохион байгуулагдсан бөгөөд уралдааны дүнгээр:
Тэргүүн байр: 11 дүгээр ангийн сурагч Б.Болорчимэг
Дэд байр: 8 дугаар ангийн сурагч Н.Нандин-Эрдэнэ
Гутгаар байр: 11 дүгээр ангийн сурагч О.Номин-Эрдэнэ
Тусгай байр: 8 дугаар ангийн сурагч Б.Лхамацэнд нар тус тус шалгарлаа.
