АНУ-ын зүүн эргийн нутгийг дайрч одоогоор 50 хүний аминд хүрээд байгаа  “Сэнди” хар салхи тус улсад наад зах нь 20 тэрбум доллларын хохирол учруулаад байна гэж Kinetic Analysis компанийн тооцоолсноор Bloomberg мэдээллээ. Үүний 7-8 тэрбум нь  хохирогсдын даатгалд зарцуулагдах хөрөнгө юм байна.  Мөн багагүй хэсэг нь улсын төсөвт байгууллагад учирсан бол нэлээд хэмжээ нь дэд бүтэц, тухайлбал Нью-Йоркийн туннель зэргийг сэргээн засварлахад шаардагдах гэнэ.
Bloomberg-ийн мэдээлж байгаагаар бол  энэ ердөө л шууд хохирлыг тооцсоноос биш шууд бус хохирол буюу АНУ-ын эдийн засагт учруулах дүнг хараахан тооцож гаргаагүй байгаа юм байна. Аравдугаар сарын 29, 30-ны өдрүүдэд гэхэд л америкийн томоохон хөрөнгийн биржүүд ажиллаагүй бол нисэхийн томоохон компаниуд нийтдээ 12 мянга орчим нислэгээ өөрчлөхөд хүрсэн юм.
АНУ-ын түүхэнд хамгийн их сүйрэл авчирсан “Катрина” хар салхи 2005 онд  Шинэ Орлеаныг дайрч 41,1 тэрбум долларын хохирол учруулж байсан юм.