Их Мумбайн захиалгаар италийн уран барилгач Жанлукой Сантозуоссогийн зохион бүтээсэн “Morphotel” нэртэй  энэ төсөл бол хамгийн удаан явдаг хөлөг онгоц ч гэмээр, эсвэл хөвөгч  зочид буудал гэж болно. Ашиглалтад ороод ирэхээрээ далайд мөнхөд аялж явах, зөвхөн ус, хүнсээ нөхөж авах үедээ л томоохон боомтуудад зогсч байх энэ  гайхамшигт хөлгийн зорчигчид нь тийшээ агаараар ч, усаар ч хүрэлцэн очиж болно.
Хамгийн сонирхолтой нь хөвөгч зочид буудал нь уян хийцтэй болохоор далайн шуурга, байгалийн ширүүн үзэгдлийн үеэр юм уу, усан боомтуудад зогсох үедээ зай талбай бага эзлэхийн тулд өөр хоорондоо салж багасгах боломжтой юм байна.
Хөвөгч энэ буудалд орчин үеийн амралт зугаалгын том хөлгүүдэд байдаг зоогийн газар, бассейн, кино танхим, спорт заал гээд хүний амарч тухлах бүхий л зүйл бүрэн байх юм.

,