Банана буюу гадил жимсний хальс маш хурдан харлаж мууддагийг бид мэднэ. Ялангуяа хөргөгчинд хиймэгц л өнгө нь хувираад харлаад эхэлдэг. Гадилын хальс ийм амархан харладаг нь түүн дотор полифенил оксидаз хэмээх энзимтэй холбоотой байдаг аж. Энэхүү энзим хөргөгчний хүйтэн орчинд орохоороо фенол хэмээх химийн нэгдлийг полифенол болгон хувиргадаг байна.

Полифенол  нь бидний арьсны өнгийг тодорхойлдог меланинтэй ижил үүрэгтэй энзим аж. Тиймээс гадилын өнгө хувирч муудах эсэх нь полифенолоос л хамаардаг байх нь. Хэдийгээр гадилыг хөргөгчинд хадгалахаар ингэж өнгө нь харлаж, муухай болдог дутагдалтай ч өрөөний температурт хадгалснаас илүү нягт чанга хэвээр нь байлгаж чаддаг юм.  Хэрвээ хөргөгчинд хийсэн гадил тань өнгөө алдвал хаяхаа бүү урьтал болгоорой. Хэд хоногтоо л мууддаггүй гэдгийг судалгаагаар тогтоосон байна.