Америкийн дэлгүүр, зоогийн газрууд Ерөнхийлөгчийн сонгууль болох өдрийг тохиолдуулан сонгогчдыг дэмжих зорилгоор хямдрал, хүмүүсийг үнэгүй хооллох ажил зохион байгуулж байна. Мексикийн түргэн хоолны California Tortilla сүлжээ үйлчлүүлэгчиддээ “I voted” / би саналаа өгсөн / гэсэн наалт санал болгож, хэрчсэн мах, бяслаг, сонгинотой халуун пирожки үнэгүй өгч байна. Ийм хоол авахын тулд зүгээр л “би саналаа өгсөн” гэхэд болох гэнэ.
Канадын кофены Tim Horton"s бас л “би саналаа өгсөн” гэсэн наалтаар дуртай ундаагаа авсан худалдан авагчид үнэгүй пончик өгч байна. Тэд Мичиган мужийн сонгуулийн санал хураах хэд хэдэн газарт  сонгогчдод кофе, кексээр үйлчилж байгаа гэнэ. Автомашин түрээсэлдэг компани цагийн хөлсөө хоёр дахин хямдруулжээ. Их дэлгүүрийн Macy"s сүлжээ бараагаа 15-20 хувь хямдруулсан бол хямдралтай бараа худалдан авахын тулд захиалгаа “Сонгох” гэсэн үгтэй хамт өгөх гэнэ. Пивоор үйлчилдэг Capitol City Brewing Company-ийн сүлжээ ресторанууд сонгулуийн дүн гарахыг хүлээсэн үйлчлүүлэгчиддээ өдөржингөө хүйтэн пивоо хямдруулан зарах юм байна.