Солонгосын рэппер PSY алдарт Оксфордын их сургуулийн оюутны холбоонд үг хэлэхээр Лондонд ирлээ. Алдарт “Gangnam Style” дуу нь өнгөрсөн есдүгээр сард Их Британийн хит жагсаалтыг тэргүүлсэн тэрээр Англид гурав хоногийн хугацаатай иржээ. Оскфордын их сургуулийн  Оюутны холбоонд ихэвчлэн дэлхийн хэмжээний алдартнууд ирж үг хэлдэг уламжлалтай. Өмнө нь, энд Жимми Картераас эхлээд Майкл Жексон хүртэл алдарт цуутай хүмүүс ирж, оюутнуудад үг хэлж байсан юм. Тиймээс өндөр нэр хүндтэй үүрэг оногдсон PSY сонсогчдоо хүндэлж, анх удаа англиар олны өмнө үг хэлэхээр бэлтгэлжээ.