АНУ-ын Ерөнхийлөгч Б.Обама хэдхэн хоногийн өмнө болсон сонгуулиар Митт Ромниг ялаад зогсохгүй, хөгжмийн од Жастин Биберийг ч бас ардаа орхижээ. Тэрээр ялалтын баярт мэдээ сонссоны дараа Твиттер хуудсандаа эхнэр Мишелийгээ тэвэрсэн зургаа нийтлэхдээ “Дахин дөрвөн жил” хэмээн бичсэн нь Жастин Биберийн өмнө тогтоосон рекордыг эвджээ. Түүний энэхүү мессежийг 600 мянган хүн дахин твийт хийсэн бол Facebook хуудсанд нь гурван сая “Like” цугларсан байна. Өмнө нь дуучин Жастин Бибер өөрийн шүтэн бишрэгч Аваланна Рут хэмээх бяцхан охиныг хорт хавдраар нас барахад нь “Амар тайван нойрс доо, Аваланна. Би чамд хайртай” гэсэн твийт бичиж түүнийг нь 223376 хүн ретвийт хийж, рекорд тогтоож байжээ.