Солонгосын савангийн дуурийн жүжигчдийн ханш жил ирэх тусам өссөөр байна. Хамгийн сүүлд жүжигчин Ко Хён Жун гэхэд SBS телевизийн “Ерөнхийлөгч” олон ангит кинонд тоглохдоо анги тус бүрээс 55 сая вон, нийтдээ 1.3 тэрбум воны хөлс авчээ. Энэ нь Солонгосын А-зэрэглэлийн эмэгтэй жүжигчдийн хувьд ч рекорд тогтоохоор өндөр ханш юм. Түүнээс өмнө “Өвлийн хайрын дуу” киногоор алдаршсан жүжигчин Чой Жи Вү 2008 онд “Одын нууц амраг” киноны нэг ангид 48 сая воноор тоглосноороо өмнөх рекордыг тогтоож байжээ. Гэхдээ эмэгтэй жүжигчдийн ханшийг эрэгтэй ододтой харьцуулбал нэлээд доогуур байдаг аж. Эрэгтэй жүжигчдийн хувьд цуврал киноны нэг ангид 50 сая воноор тоглох нь тийм ч сонин үзэгдэл биш. “Анхны хайр”, “Өвлийн хайрын дуу” киноны гол дүрүүдээр Ази даяар алдаршсан жүжигчин Бэ Ён Жун гэхэд “Хааныг хамгаалагч дөрвөн бурхан” киноны нэг ангид л гэхэд 250 сая воноор тоглосон нь бүх цаг үеийн хамгийн дээд амжилтыг  тогтоосон юм.

Ко Хён Жун