Жеймс Бонд киногоороо алдаршсан Британийн жүжигчин Даниель Крэйг Афганистанд энхийг сахиулж буй нутаг нэгт цэргүүдээ эргэжээ. Британийн энхийг сахиулагчдад Жеймс Бондын цувралын шинэ анги “Skyfall”-ийг үзүүлж байгаатай холбогдуулан гол дүрийг нь бүтээсэн эрхэм жүжигчнийг Афганд урьсан байна. Энэ нь цэргүүдийн хувьд жинхэнэ сюрприз болсон бөгөөд өмнө нь тэдэн дээр ирж байсан олон арван алдартнаас хамгийн онцгой нь Жеймс Бонд байлаа хэмээн ярьжээ.

Даниель Крэйг зөвхөн киноныхоо тухай танилцуулаад зогсохгүй байлдааны үед ашиглахад гар бөмбөг хайгчийг хэрхэн ажиллуулахыг сурч, газар дор нуусан дасгалын бөмбөгийг хайж илрүүлснээс гадна жинхэнэ байлдааны зэвсгээр гал нээж үзжээ. Түүнчлэн энхийг сахиулж яваад шархдаж гэмтсэн цэргүүдийг эмнэлэгт нь очиж эргэжээ.