Гэр бүл салсныхаа дараа хүүхдээ хүмүүжүүлэхэд зориулан олгох ёстой алимент, хүүхдийн тэтгэврээ төлөхгүй байх явдал аль ч улсад түгээмэл. Хүүхдийнхээ төлөө санаа зовдоггүй энэ хүмүүсийг хэрхэх талаар Оросын төрийн думын депутатууд ярьсаар эцэст нь нэг шийдэлд хүрэх гэж байна. Хүүхдийн тэтгэвэр төлөгчид үндсэндээ эрэгтэйчүүд байдаг болохоор тэднийг гадаадад зорчуулахгүй, бүр авто машин жолоодох эрхийг нь хасах гэнэ. Ингэвэл тэд байнга л явган яваад байлтай биш тэтгэврээ төлдөг болно гэж хууль тогтоогчид үзэж байгаа гэнэ.