Өчигдөр болж өнгөрсөн талархлын өдрийг залгаад АНУ-д зад хямдралын “хар баасан гариг эхэллээ. Энэ өдөр дэлгүүр, худалдааны төвийн бараа бүтээгдхүүн, маш их хямдарч бараг л үнэгүй болдгоороо алдартай. Өнөөдрийн худалдаа уламжлал ёсоороо өглөөний таван цагт эхэлсэн байна. Энэ жилийн хувьд худалдааны нийт орлого 586,1 тэрбум долларт хүрч өмнөх жилийнхээсээ дөрвөн хувиар өсөх байх гэж шинжээчид тооцжээ. Худалдан авагчдын тоо ч 55 хувьд хүрнэ гэсэн байна. “хар баасан гариг” гэдэг нэршлийг 1960-аад оны үеийн жолооч нар гаргасан гэдэг. Баярын худалдаа эхэлж байгаа энэ өдөр автомашин, явган хүн гудамжаар дүүрч хөдөлгөөнд бэрхшээл учруулж байснаас ингэж нэрлэжээ.