Их Британийн олон нийтийн “BBC” телевиз түүхийг гуйвуулсан гэдэг шүүмжлэлд өртөөд байна.  Тус телевиз “Дэлхийн түүх” нэвтрүүлэгтээ Африк, Египет, Австралид амьдарч байсан эртний хүмүүсийн тухай өгүүлэхдээ тэднийг хувцас өмсдөг байсан мэтээр харуулсан нь түүхийг гуйвуулж, шинэ залуу үеийнхэнд бодит байдлаас өөр ойлголт өгч байгаа хэрэг хэмээн “Naturism” байгууллага мэдэгджээ.  
Харин энэ тухай ВВС-гийн зүгээс тайлбарлахдаа эртний хүмүүс хувцас гэхээр зүйл өмсдөггүй байсан нь үнэн боловч бид телевиз, хэвлэл мэдээллийн хэрэгслийн ёс суртахуун,  үзэж буй хүмүүсээ хүндлээд хувцастайгаар зохиомжлон зургийг нь авсан хэмээн тайлбарлаж байна. Гэвч шүүмжлэгчдийн хувьд энэ шалтгаан биш, түүх үнэнээрээ үлдэх ёстой хэмээн эсэргүүцэж, BBC телевизийн талаар парламентад гомдол мэдүүлээд байгаа аж. Олон нийтийн татвар хураамжаар санхүүждэг энэ телевиз ингэж түүхийг өөрөөр харуулсан нь уучилж боломгүй алдаа гэж тэд үзэж байгаа юм.