Канадын дуучин Майкл Бубле шинэ цомогтоо Холливудын жүжигчин Риз Витерспунтэй хамтарч уран бүтээл хийхээр төлөвлөж буйгаа “ITV”-д өгсөн ярилцлагынхаа үеэр хэлжээ.
Саяхан гурав дахь хүүхдээ төрүүлж, кино ажлаасаа түр хөндийрсөн жүжигчин Риз Витерспун 2005 онд “Жонни Кэш” кинонд каунтри дуучны дүрд тоглохдоо хэд хэдэн дууг нь өөрөө дуулж байсан юм. Гэвч тэрээр дуулах маш хэцүү, төвөгтэй ажил байсан хэмээн сүүлд нь ярьж байсан.  Гэхдээ тэрээр өөрийн хүндэтгэж явдаг Канадын алдартай дуучинтай хамтарч дуулахаар зориг гаргасан бололтой. “Шаргал үст” нэрээрээ алдартай жүжигчин бүсгүйтэй хамтран дуулах нь бараг л тодорхой болсон гэж М.Бубле ярьжээ. Тэрээр бас Риз Витерспуны шүтэн бишрэгч нь гэнэ.