Өнөөдөр 12 оны 12 дугаар сарын 12-ны өдөр. Гурван 12-ын тоо өдөржин зэрэгцэнэ. Харин 12 цагийн 12 минутад таван 12 дараалж 12 оны 12 сарын 12-ны 12 цаг 12 минут буюу 12.12.12.12.12. болно. Хэрэв энэ тоонуудыг хооронд нь нэмбэл монголчуудын цаг тооллын нэгэн үе болох жарантай тэнцэх юм. Хэдийнээсээ тоонд бэлгэшээдэг хүн төрөлхтөнд ховор тохиолдол. Тэгээд ч ийм олон тоо дараалах тохиолдол энэ зуунд хамгийн сүүлчийн удаа тохиож байгаа нь энэ.
Өнгөрсөн жилүүдэд 11.11.11.11.11, юм уу 08.08.08.08.08 гэх мэт тоонууд таарч байсан ч ирэх жилээс 13 дугаар сар гэж байхгүй болохоор ахин тохиохгүй.