Италийн Ерөнхий сайд асан Сильвио Берлускони залуухан найз бүсгүйтэй болжээ. Түүний шинэ найз бүсгүйг Франческа Паскале гэдэг, 27 настай буюу С.Берлусконигоос 49 насаар дүү ажээ. Тэд сүүлийн хэдэн сар хамтдаа байгаа бөгөөд саяхан С.Берлусконигийн эзэмшдэг “AC Milan” багийн тоглолтыг үзэж яваад зурагчдын хэвлэлийнхний хараанд өртсөн байна. Өмнө нь дэлгүүрт туслах ажилтнаар ажилладаг байсан тэрээр С.Берлусконитой танилцсанаас хойш түүний удирддаг намд орж, бүс нутгийн зөвлөхөөр хүртэл ажиллаж байжээ. Мөн тэрээр “Сильвио, бид чамайг санаж байна” хэмээх экс Ерөнхий сайдыг дэмжигчдийн группийг санаачлагчдын нэг гэнэ.