2013 онд заавал аялж үзэхээр орны жагсаалтын эхний тавд Монгол орсон байна. Оросын блогчдын дунд явуулсан асуулгаар гаргасан заавал очиж үзэх орны жагсаалтын эхний гуравт Бразил, Албани, Мьянман оржээ. Бразилийн хувьд 2014 онд хөл бөмбөгийн дэлхийн аварга шалгаруулах тэмцээн болж жинхэнэ жуулчдын хөлд дарагдана. Ийм болохоор аятай тухтай амарч газар үзмээр байгаа бол 2013 онд энэ орныг зорь гэж аялал жуулчлалын мэргэжилтнүүд зөвлөж байна. Харин Мьянманы хувьд жуулчдын очиж үзэхийг хүсдэг болсон орон. 2011 онд гэхэд л зүүн өмнөд азийн энэ орныг оросын 300 мянган жуулчин зорьсон юм байна.
Энэ гурван орны араас Монгол, тэгээд Шинэ зеланд  дараалжээ. Тэгэхээр ирэх онд манай орон хөрш оросын жуулчдын хөлд дарагдах нь ээ.