Япон хятадын хоёр дахь дайны үе 1937 оны арванхоёрдугаар сарын 13-нд япончууд тухайн үедээ хятадын нийслэл байсан Нанжин хотыг эзлэн авснаар өнөөдөр “Нанжины хядлага” гэж нэрлэгдсэн харгислал эхэлсэн юм.


Дайны үед Нанжинд ажиллаж байсан олон улсын буяны байгууллагын гаргасан баримт бичиг  2007 онд олон нийтэд ил болсноор япончууд 28 удаагийн бөөнөөр хядах ажиллагааны үеэр нийтдээ 200 мянган хятад цэрэг, энгийн иргэнийг буудан хороосон гэсэн байна.


Үүний зэрэгцээ тусгай тусгайд нь явуулсан аллагын үеэр бас 150 мянга орчим хүний амь хороосон гэсэн баримт байна. Үндсэндээ энэ хотод япончууд 500 мянга орчим мянган хүнийг хядсан гэсэн багцаа тоо байдаг юм байна.


Хотыг эзэлсний дараах зургаан долоо хоногийн турш ийм зэрлэг аллага үргэлжилсэн гэдэг. Аллага үнэхээр аймаар, галт зэвсэг үндсэндээ ашиглаагүй, ихэнх хүмүүсийг жадаар сүлбэж, толгойг нь цавчин, амьдаар нь шатаасан бол эмэгтэйчүүдийн гэдсийг хүүлж цувуулан, балчир хүүхдийг хүртэл хядаж байж. Эмэгтэйчүүдийг төдийгүй, бага насны охидыг хүчирхийлээд дараа нь зэрлэгээр хөнөөж байжээ.


Гэтэл японы засаг захиргаа амь үрэгдсэн хүмүүсийн тоог хүчээр нэмж байна гэдэг бол зарим улстөрчид нь Нанжинд болсон аймаглан устгах ажиллагааг болоогүй гэж эсэргүүцдэг байна. 


Тухайн үед энд ажиллаж байсан Европын олон иргэн, зарим байгууллага Нанжины иргэдийг энэ аллагаас аврах гэж чадлаараа оролдож, олон улсын хороо хүртэл байгуулж байсан юм байна.


Энэ айшигт үйл явдлын тухай хятадын найруулагч Лу Чуаны “Үхэл  амьдралын хот” гэдэг кино гарсан дороо л хятадын зах зээлээс 10 сая доллар цуглуулж байсан юм.