Хятадын Коммунист намын шинээр сонгогдсон дарга Ши Жинпин нь анхны айлчлалаараа дараа жилийн гуравдугаар сард Орост айлчилна гэдгээ Оросын “Нэгдсэн Орос” намын тэргүүлэгчтэй уулзахдаа албан ёсоор мэдэгдсэн байна.  Ингэхдээ  “Нэгдсэн Орос” ба Хятадын коммунист нам хоорондын хамтын ажиллагааг хөгжүүлэхийг нэн чухал гэж үзэж байгаагаа онцолсон байна. Аливаа нэг улсын шинээр сонгогдсон тэргүүн голлон анхаарахаар шийдсэн чигээ хамгийн анх айлчилж байгаа улсаараа заадаг уламжлалтай. Барак Обама дахин сонгогдоод хамгийн анх Тайланд, Мьянмар, Лаосоор айлчилж тухайн бүс нутаг ямар их ач холбогдол өгч байгаагаа харуулсан. Тэгвэл Ши Жинпин гадаад бодлогын голлон анхаарах шугамаа энэ айлчлалаар харуулж байгаа бололтой.