Рэппер Пафф Дэддигийн хүү 20 нас хүрч, шинэ жилийн баяр дээр нь давхар баяр нэмжээ. Энэ хоёр том баяр давхацсаныг тохиолдуулж тэрээр Сэйти Бартсын арал дээр өөрийн тансаг усан онгоцондоо томоохон үдэшлэг зохион байгуулжээ.
Одоо 43 настай рэппер Дэддигийн том хүү Жастин шинэ жилийн баярын өдөр 20 хүрсэн энэ өдөр аав нь түүнд зориулж үдэшлэг хийхдээ гэр бүлийнхнийгээ, бяцхан хүүхдүүдээд бас од найз нараа бүгдийг нь урьсан байна. П.Дэддигийн ахлах сургуулийн хайртай охин Мисагийн төрүүлсэн хүү өнөөдөр Лос Анжелосын их сургуульд тэтгэлгээр сурдаг, сургуулийнхаа хөлбөмбөгийн багт тоглодог авьяаслаг залуу болжээ. Энэхүү үдэшлэгт П.Дэддигийн хоёр ихэр охины ээж, 2007 онд салсан ч найзууд хэвээрээ үлдсэн Ким Портер ч ирсэн байна.
П.Дэдди хүүдээ баяр хүргэж Твиттерт “Баяр хүргье Жастин. Энэ зургийг 19 жилийн өмнө авсан гэхэд итгэж чадахгүй нь. Үүнийг яг л өчигдөр болсон мэт санаж байна. Хайртай шүү, хүү минь” гэж бичихдээ хүүгийнхээ нэг насны төрсөн өдрөөр авч байсан зургийг нийтэлжээ.