Facebook”-ээр нэгэн өхөөрдөм зураг олныг шуугиулаад байна. Дөнгөж эхээс мэндэлж байгаа бяцхан нярай ээжийнхээ хэвлийгээс гарахаасаа өмнө эх баригчийнхаа гарнаас барьсан энэ зураг харсан хүн бүрийн хайрыг татаж байна. Энэ бол өнгөрсөн аравдугаар сарын 9-нд хорвоод мэндэлсэн Нева охины зураг юм. Охиныг төрүүлэхээр хийсвэр хагалгаа хийх үеэр  гар нь эхийнхээ хэвлийгээс цухуйж, эх баригчийн хурууг атгасан байна. Яг л “Сайн уу, амьдрал минь” хэмээн шинэхэн хүн хорвоо ертөнцтэй мэндчилж байгаа мэт энэ ховор сайхан агшныг хажууд нь зогссон аав нь гэрэл зурагт буулгаж амжжээ. Энэ бол бяцхан охины гэрэл зурагчин ээждээ барьсан хамгийн анхны нандин бэлэг нь болжээ. Түүний ээж Алиша гэрэл зурагчин бөгөөд хувьдаа гэрэл зургийн студитэй, одоо тэндээ охиныхоо зургийг байнга авдаг болжээ. Охин ч камерын өмнө байж сурч, өхөөрдөм зургууд авахуулсаар байгаа гэнэ. Heaven буюу тэнгэр, диваажин гэсэн үгний үсгийг тонгоруулж өгсөн нэртэй Нева охин одоо хоёр сартай болжээ.