Төрийн соёрхолт, яруу найрагч Р.Чойномын “Сүмтэй будрын чулуу”, “Залуу нас”, “Кавказ аялгуу” тэргүүтэй есөн номыг дуудлага худалдаагаар худалджээ. Яруу найрагчийн уран бүтээлээс олсон орлогыг нутагт нь хандивлах зорилгоор дуудлага худалдааг Р.Чойномын өвийг хамгаалах “Өд” сангаас санаачилсан гэнэ. Эдгээр номыг 350 мянган төгрөгөөс эхлэн дуудахад Хэнтий аймгийн Бор-Өндөр сумын нутгийн зөвлөл 2,1 сая төгрөгөөр худалдан авсан байна. Дуудлага худалдааны орлогоос нэг сая төгрөгийг Хэнтий аймгийн нутгийн зөвлөлд, үлдсэн нэг саяыг нь яруу найрагчийн төрсөн нутаг Дархан сумын нуггийн зөвлөлд хандивлажээ.