Австралид хэт халж, салхитай байгаагаас зүүн өмнөд хэсгийн нутгаар 100 гаруй газар гал түймэр гараад байна. Нью-Саут Уэльс, Тасманийн хойг, Виктория мужид гал гараад байгаа бөгөөд зарим газар оршин суугчдыг нүүлгэн шилжүүлж эхэлжээ.Нью-Саут Уэльсийн дөрвөн ч газар маш аюултай, томоохон хэмжээний түймэр асч байгаа бөгөөд одоогоор хяналтад авч чадаагүй, маш хурдан хүрээгээ тэлж байгаа гэнэ. Хэт халалтаас үүдсэн энэ аюултай нөхцөл байдалд сэрэмжтэй байхыг Ерөнхий сайд Жулия Гиллард иргэддээ анхааруулсан байна. Шинэ он гарсаар Австралид олон жилийн дунджаас ч өндөр халж, оны эхний зургаан өдрийн температур бүх цаг үеийн хамгийн халуун 20 өдрийн тоонд орох хэмжээнд хүрчээ. Түймэртэй мужуудад энэ өдрүүдэд температур 40 хэм давж халж байгаа тухай “BBC” мэдээлсэн бол Австралийн “The Age” сонины мэдээлснээр ойрын өдрүүдэд 40-48 хэмийн халуунтай байгаа, өнгөрсөн ням болон даваа гаригт бүр 50 хэм ч хүрсэн байж магадгүй гэнэ.