Оны хамгийн муу кино шалгаруулдаг Рацци авардс энэ оны наадамд нэр дэвшиж байгаа кинонуудаа танилцуулахад хүүхэд залуусын үзэх дуртай “Twilight” цувралын сүүлчийн анги болох “The Twilight Saga: Breaking Dawn” 11 номинацад нэр дэвшсэн байна.  Өмнөх ангиудаасаа хамгийн сайн болсон нь хэмээн сайшаагдаж байсан тус кино хамгийн муу кино зохиолоос эхлээд гол дүрийн жүжигчин Роберт Паттинсон, Кристен Стюарт, туслах дүрийн жүжигчин Тэйлор Лотнер нар хамгийн муу жүжигчний номинацад гээд бараг Раццигийн бүхий л төрөлд нэр дэвшээд байгаа нь аж. Энэ онд 33 дахь жилдээ зохион байгуулж буй Рацци авардсын нэр дэвшигчдийг Оскарын шагналд нэр дэвшигчид тодрохоос нэг хоногийн өмнө зарладаг бөгөөд Оскарын ёслолоос нэг өдрийн өмнө шагналтнуудаа тодруулдаг уламжлалтай.