Бидний идэх дуртай амттан хайрцаг савнаасаа гараад удахаараа нэг бол хатаж, нэг бол зөөлөрдөг. Шинэ дээрээ шажигнан үйрдэг жигнэмэг удах тусмаа зөөлөрч байхад аманд ороод хайлах мэт болдог амтат бялуу эсрэгээрээ хатаж хорчийдог билээ. Яагаад нэг нь хатаж байхад нөгөө нь зөөлөрдөг юм бол? Тэгвэл энэ бүхэн тухайн бүтээгдэхүүний усны агууламжтай холбоотой байдаг гэнэ. Жигнэмэг дотроо маш бага ус агуулдаг учир савнаас нь гаргаад тавихаар агаарын найрлага дахь уснаас чийг авч зөөлөрдөг аж.  Харин бялуу чийгшил ихээр агуулдаг учраас хэрэв  агаарт байвал ус нь ууршаад хатаж эхэлдэг ажээ. Гэхдээ жигнэмэг зөөлрөх, бялуу хатах эсэх нь тухайн орчны агаарын найрлага хэр чийгшилтэй байхаас хамаарна. Жишээлбэл, цөлд жигнэмэг хэзээ ч зөөлөрдөггүй. Учир нь, цөлийн агаарын найрлага дахь чийгшлийн хэмжээ жигнэмэгийнхээс их байж чаддаггүй учир хэдий удаан байлгасан ч огт зөөлөрдөггүй байна.