Дайн гэдэг ямар аймшигтай, заримдаа эх адаг нь мэдэгдэхгүй зүйл билээ. Зарим үед цэрэг эр байлдаж байгаа талуудын аль алинд нь орох явдал ч гардаг. Солонгосын иргэн 18 настай Ян Кёнжон 1938 онд Японы эзэн хааны армид татагдаж 1939 онд Халхын голд монголын болон улаан армийн эсрэг байлджээ. Ингэж байгаад оросуудад олзлогдож тэр үеийн зөвлөлтийн хөдөлмөрийн лагерьт очсон байна.
Гэтэл гитлерийн германы эсрэг байлдаж байсан ЗХУ-ын улаан арми 1942 онд  бүхийл нөөцөө шавхаад хүнд байдалд орж хорих лагерьт хоригдогсдоос шилж фронтод илгээх болоход Ян шоронд байж буудуулснаас байлдаж яваад үхсэн нь дээр гээд фронтод явж Зөвлөлтийн улаан армийн талд байлдаж эхэлжээ.
Ингэж яваад Харьковын дэргэдэх тулааны үеэр 1943 онд германчуудад олзлогдох нь тэр. Ялагдаж эхлээд байсан германчуудад цэрэг хэрэгтэй байсан болохоор Ян цэрэг болон германы талд орон оросуудын эсрэг байлдаж эхэлсэн байна.  
Ингээд түүх дууссангүй 1944 оны зургадугаар сард солонгос залуу америкчуудад олзлогджээ. Харин энэ удаа байлдаж байсан гурван ч армийн цэрэг нь байж үзсэн, одоо хангалттай гээд америкийн талд арай байлдаагүй гэнэ.