ОХУ руу өөрийнхөө машинаар явахаар завдаж байгаа бол та эхлээд хил гаалийнхнаас лавлаарай. Учир нь хилээр нэвтрэх тээврийн хэрэгслийн зөвшөөрлийн бичгийн нөөц дууссан учраас та өөрийнхөө машинтай хил дээр очоод саатаж магадгүй болоод байна.  ОХУ-ын улсын талаас ийм  зөвшөөрлийн бичиг  иртэл иргэд улс хоорондын  зорчигч тээврийн болон жуулчин тээврийн үйлчилгээ эрхлэх гэрээтэй аж ахуйн нэгжийн том оврын автобусаар зорчихыг Монголын автотээвэрчдийн холбооноос  сануулж байна. Хоёр улсын Засгийн газар хоорондын тээврийн ажлын хэсгийн хуралдаанаар байнгын бус зорчигч тээврийн хэрэгсэлд олгох зөвшөөрлийн тоог 2000 байхаар тохиролцсон нь ийн дуусаад байгаа юм байна.