“Эрдэнэс Тавантолгой” компанийн “Эв санааны нэгдэл” Үйлдвэрчний эв­лэ­лийн дарга С.Эрдэнэ өө­рий­гөө шатаасан билээ. Тэ­рээр компанийн удирд­лага­даа “”Эрдэнэс Таван­толгой” компанийн 203 ажил­­танг хятадын “TT JV CO” ком­панид шилжүүлэхгүй байх, хөдөлмөрийн хамтын гэрээ хийх” гэсэн хоёр шаард­лага тавьж байсан юм.
Тэгвэл өчигдөр “Эрдэнэс Тавантолгой” компанийн захиргаа, “Эв санааны нэг­дэл” Үйлдвэрчний эвлэл хоо­ронд хөдөлмөрийн хам­тын гэрээг байгуулсан бай­на. Ингэснээр нийт ажилтны хөдөлмөрлөх эрх, түүнтэй холбогдсон хууль ёсны ашиг сонирхлыг хуулиар тогтоосон баталгаа­наас илүү нөхцөлөөр хангах болон Хөдөлмөрийн хуу­лиар шууд зохицуулаагүй асууд­­лаар ажил олгогч, ажилт­ны төлөөлөгчдийн хоо­рон­дын харилцааг зохи­цуулах боломжтой болж байна.
Мөн Хятадын “TT JV CO” компанид 203 ажилтанг шилжүүлэхгүй байхаар болсон гэж тус компанийн төлөөлөл бидэнд мэдэгдлээ. Ингэснээр “Эрдэнэс Тавантолгой” компани  Цан­хийн Зүүн уурхайн үйл ажиллагааг энэ сарын 12-ны өдрөөс эхлүүлэхээр болжээ. Харин ажил эхлэхтэй холбоотойгоор бэлтгэл ажлыг компанийн удирдлагууд эхлүүлсэн байна. Дээрх 203 ажилтан нь Цанхийн Зүүн уурхайд ажилладаг ч “Эрдэнэс Тавантолгой” компани олборлолт явуулах боломж­гүй болсноос сул зогсолт хийж байсан юм.