АНУ-ын Алабама мужийн Мидлэнд-Сити хотод  сургуулийн автобусны жолоочийг буудсан этгээд зургаан настай хүүхэд барьцаалан газар доорхи бункерт хорьсон байжээ. Гэмт хэрэгтэн энэ бункерийг амьдардаг газрынхаа орчимд хар салхинаас хамгаалах зорилгоор барьсан гэнэ. Тэрээр автобусанд орж нэг хүүхэдтэй хамт буулгахыг жолоочоос шаардаад татгалзсаных нь төлөө жолоочийг хэд хэдэн удаа буудаж хороогоод хүүхэд авч явсан байна. Хууль сахиулах байгууллагынхан түүнтэй 20 орчим цаг хэлэлцээр хийсэн ч ямар шалтгаантай, юу шаардаж байгаагаа хэлэхгүй байна. Хамгийн аюултай нь барьцаалагдсан хүүхэд өдөр тутам эм хэрэглэдэг нэгэн болохоор бие нь муудаж магадгүй тул  төмөр хоолойгоор эм өгөх арга сэдэж байгаа юм байна.
Хэвлэлийн мэдээлж байгаагаар бол гэмт хэрэгтэн, Вьетнамын дайны ахмад дайчин  65 настай Жимми Ли Дайкс  энэ дүүрэгт хоёр жилийн өмнө ирж газар доорхи хонгил барьж эхэлсэн юм гэнэ.