Америкийн New York Times сонин дөрвөн сарын турш хятадын талаас хакеруудын довтолгоонд өртөж байна. Энэ нь ердөө л хятадын ерөнхий сайд, түүний хамаатан садны баяжсан нууц гэсэн материалуудтай холбоотой гэнэ. Сонины газрын мэдээлж байгаагаар хакерууд тус сонины сэтгүүлчид, ажилтнуудын нууц үгийг мэдэж аваад компьютерийн системд нь нэвтэрч байгаа гэнэ. Нөгөө талаас америкийн программчид хакеруудын довтолгоо хятадаас шууд орж ирж байгааг тодорхойлоод байгаа юм байна.