Манай улсын ОХУ-тай хамтарсан уулын баяжуулах “Эрдэнэт” үйлдвэр, “Монросцветмет” ХХК манай улсын төсвийн чамгүй хувийг бүрдүүлдэг. Гэтэл эдгээр үйлдвэрийн захирлууд өчигдөр ажлаас чөлөөлөгдөх хүсэлт бүхий өргөдлөө Төрийн өмчийн хороонд өглөө. “Эрдэнэт” үйлдвэрийн ерөнхий захирал Ч.Ганзоригийг Монгол Улсын Ерөнхийлөгчийн сонгуулийн дараа өөрчлөх тухай яриа гарч байсан билээ. Оны өмнө тус үйлдвэрийн Удирдах зөвлөлийн хурал болж  хоёр дэд захирал нь солигдсон ч  Ч.Ганзориг  суудалдаа үлдсэн юм. Мөн “Монросцветмет”-ийн Удирдах зөвлөлийн хурлаар захирал О.Эрдэнийг солих тухай яригдаагүй билээ. Гэтэл тэд өөрийн хүсэлтээр ийнхүү ажлаас чөлөөлөгдөхөө илэрхийлжээ.