Ираны Засгийн газар хулгайчийн хуруу тайрах шинэ төхөөрөмж бүтээснээ зарласан байна. Харин иргэд бол удахгүй болох сонгуулийн өмнө ард иргэдийг айлгах гэсэн оролдлого гэж үзэж байна. Засгийн газар интернетэд энэ машиныг хэрхэн ажиллуулах талаар цуврал зураг нийтэлсэн байна. Түүн дээр нүүрэндээ халхавч өмссөн гүйцэтгэгч нүдийг нь боосон хэрэгтнийг ойртуулж ирэхэд хоёр дахь нь түүний гарыг хавчуурт бэхэлж, гурав дахь нь хүрдийг эргүүлэн хүний дөрвөн хурууг тайрч байгааг харуулжээ. Хурууг тайрсны дараа йод түрхэж өгнө гэнэ. Хэрэгтэн тэгтэл сандрахгүй байгаагаас үзэхэд мансууруулдаг байх гэж хэвлэл тэмдэглэжээ. Ийм байдлаар Ираны засаг захиргаа хулгайчидтай шариатын хуулиар, гэхдээ орчин үеийн маягаар тэмцэхээр шийдсэн бололтой. “Энэ бол хүмүүсийг айлгаж ямар нэгэн эсэргүүцэлгүй байлгах гэсэн оролдлого гэж үзэж байна” хэмээн Ираны хүний эрхийн төлөөлөгч Махмуд Амири-Могаддам хэлсэн байна.