Умард Солонгос шинэ пуужингийн зураг төслөө Засгийн газрын нэг сайтад тавьжээ. Энд сансрын хөлгийн дэлхийг тойрч байгаа компьютерийн загварыг байрлуулсан аж. Үүнтэй хамт бас пуужин хөөрч байгаа, галд автсан АНУ-ын хотыг дүрсэлсэн байсан гэнэ. Энэ нь умардынхан АНУ-д дайсагнаж байгаагаа илэрхийлэхийг зорьсон бололтой.
Өнгөрсөн оны арванхоёрдугаар сард Умард Солонгос “Ынха-3” пуужингаар сансрын хиймэл дагуул тойрог замд оруулснаар олон улсын зүгээс ихээхэн шүүмжлэл хүлээж тус улсын эсрэг хориг арга хэмжээгээ чангатгахад хүргэсэн юм. Харин умардын удирдагчид үүнээс илүү хүчтэй, холын тусгалтай пуужин хөөргөхөөр төлөвлөж байгаагаа мэдэгдсэн юм.