Хөдөлмөрийн яамнаас ҮХААЯ-тай хамтран Монгол Улсын Засгийн газрын ивээл дор зохион байгуулж буй үндэсний үйлдвэр эрхлэгчдээ дэмжих, тэдний бараа бүтээгдэхүүнийг зах зээлд таниулах зорилготой “Цагаан сар” үзэсгэлэн худалдааг жил бүрийн цагаан сарын өмнө зохион байгуулдаг уламжлалтай. Энэ удаагийн “Цагаан сар” үзэсгэлэн худалдаа өмнөх жилүүдэд Мишээл экспо төвд 7-14 хоногийн хугацаагаар зохион байгуулдаг байсан бол энэ удаад үндэсний үйлдвэрлэгчдээ дэмжин Аса цирк, IT world төвүүдэд нийтдээ 24 хоногийн хугацаатай, өргөн цар хүрээтэйгээр зохион байгуулав. Өнгөрсөн онд тус үзэсгэлэнд нийт 180 гаруй аж, ахуй нэгж 90 орчим иргэн, нийт 258 нэрийн 1270 төрлийн бараа бүтээгдэхүүнээр тав хоногийн турш 80000 гаруй иргэдэд үйлчилж байсан юм. Энэ удаад талбайн хэмжээг нэмэгдүүлж, хугацааг сунгасанаар иргэдийн сонголт илүү өргөн хүрээнд хийгдэх нөхцөлийг бүрдүүлжээ. Үзэсгэлэн худалдаанд нийт 416 аж ахуйн нэгж, бизнес эрхлэгч иргэн оролцож, өчигдрийн байдлаар борлуулалтын хэмжээ 2.7 тэрбумд хүрчээ. |
№ |
Байрлал |
Борлуулалтын мэдээ I/05-ны мэдээгээр /сая төг/ |
Оролцсон аж ахуйн нэгжийн тоо |
|
1 |
Мишээл экспо төвд /1000м2/ |
1 799 265 000 |
240 |
|
2 |
Аса циркийн байр /400м2/ |
837 439 700 |
130 |
|
3 |
IT WORLD төвд /640 м2/ |
68 770 200 |
46 |
|
ДҮН |
2 705 475 440 |
416 |
|
Үзэсгэлэн
худалдааны үеэр ҮХААЯ, ХЯ, НЗДТГ, Оюуны өмчийн газар, Мэргэжлийн хяналтын
ерөнхий газар, Стандартчилал хэмжилзүйн газар, Мэргэжлийн найман холбоодын
төлөөлөл оролцсон 16 хүний бүрэлдэхүүнтэй ажлын хэсэг энэ удаагийн үзэсгэлэн
яармагт амжилттай оролцсон ААН-ийг 12 тусгай шалгуураар үнэлж, шагналын эздийг
тодруулээ. Хөдөлмөрийн сайд болон Үйлдвэр, хөдөө аж ахуй сайд нарын хамтарсан
2013 оны 2 дугаар сарын 5-ны өдрийн А/17, А/19 дугаар тушаалаар дараахь аж
ахуйн нэгжүүдийг гурван төрлийн шагналаар шагнахаар батлуулсан байна. Өнөөдөр “Мишээл”
төвд болсон шагнал гардуулах ёслолд МУ-ын Ерөнхий сайд Н.Алтанхуяг, Хөдөлмөрийн
сайд Я.Санжмятав, ҮХААЯ-ны дэд сайд Б.Цогтгэрэл нарын албаны хүмүүс оролцож,
шагнал гардууллаа.
Гранпри цомын эзнээр Говь компани ноолууран дээлээрээ, Суман гүн компани хэвийн боовоороо, Улаанбаатар фур компани ажлын бээлийгээрээ шалгарчээ. Мөн цомын эзнээр үндэсний олон үйлдвэрлэгчид шалгарсан байна.
