Гэгээн хайрын өдөр, Валентины баярыг энэ жил оросуудын гурван хүн бүрийн нэг нь тэмдэглэж байгаа гэнэ. “Хайр гэдэг ертөнцийн хөдөлгөгч хүч болохоор тэмдэглэхгүй байхыг аргагүй”, “Жилийн хамгийн сэтгэл хөдлөм баярын нэг шүү дээ” гэж санал асуулгад оролцсон хүмүүс хэлсэн байна. Superjob.ru сайтаас явуулсан судалгаанд оролцогсдын 24 хүртэлх насны залуусаас 37 хувь нь тэмдэглэнэ гэсэн бол 45 хүртэл насныхны 22 хувь нь тэмдэглэнэ гэжээ.
Харин эрэгтэйчүүдийн 30 хувь нь энэ баярыг тэмдэглэнэ гэсэн бол эмэгтэйчүүдийн 36 хувь нь тэмдэглэхээр сэтгэл догдлон хүлээж байгаа гэжээ.