Солонгосын хойгийн өмнөд хэсэгт Өмнөд Солонгосын том хэмжээний хээрийн сургууль эхэлж, Тэнгисийн цэргийн болон агаарын цэргийн нисэх хүчин, хуурай замын цэргийн анги нэгтгэлүүд оролцож байна. Умард Солонгос саяхан газар дор цөмийн туршилт хийсэн нь ийм алхам хийхэд хүргэсэн байна.
Өмнөд Солонгосын талын мэдэгдэж байгаагаар бол Умард Солонгосын талаас Япон болон Шар тэнгист өдөөн хатгавал хариу өгөх, умардын эргийн талаас цохилт өгөхөд бэлэн байх зориулалттай гэсэн байна. Энэ хээрийн сургуульд өмнөдийн талын агаарын нисэх хүчин шинэ төрлийн сөнөөгч Ф-15К-г оролцуулж байгаа юм байна.