Бямба гарагт Пакистаны өмнөд нутгйин Кветта хотын зах дээр бөмбөг дэлбэлсний улмаас  79 хүний амь үрэгдсэн харамсалтай хэрэг гарчээ. Бөмбөгийг ус зөөвөг авто машинд байрлуулан хоёр давхар барилгын дэргэд тавьсан байжээ. Мэргэжилтнүүдийн тооцоолсноор 800 орчим кг тэсрэх бодис байсан бололтой. Ойр хавийн барилга нурж сүйдэн олон хүн нурангид дарагдаж, үсэрсэн хэлтэрхийнд цохигдож амь алджээ. Авран туслах ажил одоо ид явж байгаа юм байна. Алан хядагч Лашкар-е-Жхангви  бүлэглэл дэлбэрэлтийн хариуцлагыг хүлээснээс үзэхэд шийтүүдийн эсрэг явуулга байсан бололтой гэж цагдаагийнхан үзэж байгаа юм байна.