Украины Ерөнхий сайд асан Юлия Тимошенко өнгөрсөн есөн сарын хугацаанд эмнэлэгт хэвтэж эмчлүүлсэн. Тиймээс одоо тэрээр үлдсэн ялаа биеэр эдлэх хэмжээнд эрүүл мэнд нь хангалттай сайжирсан хэмээн Украины Эрүүл мэндийн яам мэдэгджээ. Албан тушаалаа урвуулан ашигласан гэдэг зүйл ангиар долоон жилийн ял аван хоригдож байсан Ю.Тимошенко нурууны гэмтлийн улмаас эмчлүүлэх шаардлагатай болсон юм. Ю.Тимошенко Оростой байгалийн хийн гэрээ  хийхдээ хэт өндөр үнээр авахаар тохирч, улсдаа хохирол учруулсан хэмээн шүүхээс түүнийг буруутгасан билээ.