Францын  ерөнхийлөгч Франсуа Олланд 1981 оноос хойшхи Францын төрийн тэргүүнүүдээс  хамгийн нэр хүнд муутай ерөнхийлөгч болж байна хэмээн Figaro сонин бичжээ. Төрийн тэргүүний нэр хүнд сүүлийн 10 сард хамгийн доод хэмжээндээ хүрлээ гээд зөвхөн энэ хоёрдугаар сард таван хувиар унаж 30 хувь болсон байна. Улс оронд нь бий болж тулгамдаад байгаа олон асуудлыг Франсуа Олланд шийдвэрлэж чадна гэдэгт францчууд итгэхгүй байна. Ажилгүйдэл 15 жилийн өмнөх хэмжээндээ хүрч, үйлдвэрлэл буурсан, эдийн засгийн хүнд үеийг Олланд ганцхан Малид явуулж байгаа цэргийн ажиллагаагаараа цайруулах гэж байгаа нь түүний нэр хүнд улам унахад нөлөөлж байна хэмээн сонин бичжээ.