Католик шашны кардиналууд өнөөдөр чуулж Ромын шинэ папыг сонгож магадгүй. Тэд эхлээд католик сүмийн өнөөгийн байдлыг хэлэлцэж зорилтоо тодорхойлох юм байна. Гэхдээ шинэ папыг сонгох санал хураалтыг энэ сарын 15-ны наана явуулах нь хэдийнээ тодорхой болсон. Чуулганд оролцсон кардиналуудын гуравны хоёроос дээш санал авсан хүн Ромын шинэ папаар сонгогдоно.
XYI Бенедикт католик шашны тэргүүний суудлаас татгалзах хүсэлтээ өнгөрсөн хоёрдугаар сарын сүүлчийн өдөр эрүүл мэндийн шалтгаанаар тайлбарлан гаргасан юм.