Нью-Йоркийн Доу Жонсын индекс бүх цаг үеийн хамгийн дээд рекордыг тогтоолоо. Өчигдрийн арилжаагаар Доу Жонсын индекс 14285-д хүрсэн нь дэлхийн эдийн засгийн хямралын өмнө буюу 2007 оны аравдугаар сард 14198 хүрч байснаас ч давсан үзүүлэлт юм. Тэгвэл Лондонгийн FTSE 100 индекс ч өчигдөр 6432-т хүрсэн нь 2008 оны нэгдүгээр сард рекорд тогтоож байснаас нь ч өндөр байгаа юм.
Ийнхүү хөрөнгийн зах зээлийн индекс сүүлийн хэдэн жилд байгаагүйгээр өсч, бүр хямралын өмнө үеийг ч давж гарсан нь хөрөнгө оруулагчид АНУ-ын болоод дэлхийн эдийн засагт итгэх итгэл нь сэргэж буйг харууллаа хэмээн шинжээчид үзэж байна. Хямралын ид үе буюу 2009 оны гуравдугаар сард Доу Жонсын индекс бүр 6550 хүртлээ уначихаад байсныг бодвол өдгөө хоёр дахин өссөн байна. FTSE Ч 2009 оны үзүүлэлтээс даруй 68 хувиар өсчихөөд байна гэсэн үг.